馬辣台式鴛鴦火鍋 (創興廣場)

營業中

休息中

餐廳面積幾大，座位非常多，最大特色係佢個黃色巴士，兩邊係自助吧，放滿食材，幾得意。湯底方面共10款，呢度其中一個好處係食鴛鴦鍋唔使加錢，揀咗台式麻辣鍋及藥膳豬骨鍋。麻辣鍋香而不辣，入面仲有鴨血，想再豐富啲可以加大豆芽菜入去，好夾呀!火鍋配料方面，丸類選擇幾多，而且有多款台灣食材，如花枝丸、麻吉燒及台灣香腸等。另外仲有我最鐘意嘅台灣豆串，吸哂湯底好好味。仲有牛肉及海鮮，可以用QR Code落單。食完記得要食甜品，古早蛋糕好鬆軟，甜度剛好，雪糕選擇亦唔少，有款日本黃豆黑蜜雪條幾好味。