楚撚記大排檔 (日富里百好大廈)

營業中

休息中

楚撚記又抵食又好食，環境新淨行老香港風格，入到店內好似回到8,90年代，而且播放住懷舊既90年代廣東歌曲，回憶番哂黎。Menu精緻超多選擇，勁多選擇， 眼花繚亂！價錢公道。燕麥金沙蝦球，一般係咸香蝦重d, 但呢個係甘甜味重 d, 反而另有一番風味！燕麥片質地香脆包住蝦球，再帶點甘香，幾吸引。蝦球爽口彈牙，超正。黑椒牛仔骨煲，上台已經好香，好入味既感覺！牛仔骨惹味香濃，而且肉質夠嫩滑，美味！送飯一流。瑤柱蝦粒帶子蛋白炒飯，份量夠哂大碟，而且唔會油膩，碟 keep到乾爽感！飯粒粒粒晶瑩剔透，而且非常足料，蝦粒都幾新鮮，個飯好夠鑊氣，亦幾惹味之選。最後仲送埋番薯糖水，薑味夠突出， 番薯夠香又甜，非常滿足。整體服務，價錢，質數都非常滿意。