容記小菜王

營業中

休息中

細細個已經成日同屋企人去容記小菜王飲茶食飯，宜家大個左到我帶媽媽黎。安排坐卡位，座位好舒服，呢度仲係米芝蓮推薦既餐廳,仲係少鹽少糖食店, 小炒好食又有特色。先黎一碟前菜，木耳爽口，少少辣食完好開胃。揚名國際燒肉 (細) $982018年米芝蓮推介，唔少食評都有點名讚佢嘅燒肉,個名仲要叫揚名國際咁厲害,當然要試下啦!燒肉一上枱已經好吸引，睇見已經流哂口水。燒肉切得四四方方、整整齊齊, 層次亦分明。上層好脆皮,中層有啲肥膏再下層有鮮肉。皮脆肉嫩之餘, 肥肉瘦肉比例啱啱好, 唔會太肥膩或太乾身。旁邊放有青芥末醬，感覺無咁濃味同攻鼻, 所以唔會蓋過燒肉嘅味道。洗衣機蒜香骨 $98菜名幾特別，呢個蒜香骨同樣係招牌菜之一，蒜香骨好惹味, 肉質不會太韌，炸粉夠薄，外層仍然炸得好脆，同時又鎖得住肉汁，肉質保持到軟熟唔會乾憎憎，非常香口，煮得出色。七味脆豆腐 $78七味炸豆腐色澤金黃，好似小金磚一樣。炸完後的豆腐表層香脆，內裡有如鮮奶般的滑溜，配上七味粉，令豆腐變得更加惹味。