西門町台灣麵食 (已結業)

同女兒去旺角做facial，之後行過去通菜街搵餐廳食飯，見到有間叫西門町台灣麵食，門口餐牌有二人餐好啱食，女兒就揀咗入去食，餐廳地方整潔，擺設精美。二人套餐有：北投怪味雞：嫩滑的雞肉搭配上香菜末+蒜末+辣椒組成的醬汁，食落酸酸辣辣，非常惹味！腐皮蚵卷：即叫即炸，外層腐皮超脆，餡料飽滿，內餡有蚵仔、冬菇、豬肉、芹菜、芫茜等等，台味十足，又香又酥脆。涼拌茄子：茄子嫩滑，配上特製醬汁，甜甜的味道令人食不停口！肉臊飯：雖然唔係好大碗，但係足料，肉臊份量鋪滿飯面，醬汁也調得夠味，伴勻食味道層次甚豐富。擔擔麵：麵條細滑彈牙，湯頭濃郁帶有花生香味。肉臊有口感又惹味，食落重有少少辣味！台式飲品：香芒雪香和香芋雪香，甜度適中，加咗胚牙，更有口感和營養！台式甜品：雷沙湯丸，軟糯香甜。