鍋牛

營業中

休息中

一直都好想推介尼間火鍋店比大家！因為質數高，價錢抵，服務好，環境又乾淨！有睇之前我既食評，我唔係咩打手。唔會一尾淨係讚！今日放工因爲好肚餓，同埋之前病左兩個星期冇食過好野！今日同老婆去食餐勁。其實我每次都冇訂位，每次都walk in去😂，因為地點唔係大街，小店永遠好就好在服務好。去到老板安排4人檯我地坐、我先點左個鍋底「花甲蟹鍋」因為之前試過個湯底超甜、配料又有什菌！醬料可能係尼到最輸蝕既地方，因為冇咩好揀。（如果要莞茜可以叫侍應，佢地即切）抵讚架。其實尼到既牛好正（之前同同事食過），不過老婆唔食牛，我只好叫個牛滑（好有牛味又彈牙）蝦滑（爽口又鮮）水尤（38蚊勁大碟）鵝腸（肥鵝腸又香又爽）烏冬（配個湯好清甜）生菜（又爽晒個湯）。其實仲有好多好食！小食其實都出色，響鈴 魚皮都即炸！不過今日冇叫到。佢地有海鮮既，不過我覺得唔太新鮮望落去。野飲叫左竹蔗水，抵飲都有成5-6杯。唔似得出面會塞埋紅蘿白呃秤。總括黎講，兩個人今餐550蚊內。同任食既差唔多價錢。但係用料新鮮有質素。服務好好，佢地定時幫你換碟，加湯全自動波。之前有個姐姐幫手格埋湯既油👍🏻。所以極力推介。