大瀛喜日本料理 (已結業)

大瀛喜日本料理 - 抵食午市放題今日嚟到旺角區一間日本餐廳，主打日式放題，任食嘅形式，午市仲有超級優惠嘅三個鐘時段，由12點食到3點 ，而且價錢亦都相當親民。午市3小時放題 $238/位一如以往，當然就要食刺身啦，大喜屋嘅三文魚就出晒名，厚身肥美，魚油夠，啖啖肉；另外就係大大隻嘅赤蝦，非常鮮甜。然後可以試吓壽司或者創意卷物，細細件過吓口癮一流，最緊要嘅係可以嗌海膽添！跟住就係熱食嘅系列，串燒、炸物、燒物一應俱全，推介蒜蓉焗帶子同埋生蠔，非常鮮味。估唔到仲會有中華料理同埋日本料理，磯煮鮑魚同埋燒乳鴿，味道可以媲美中式餐廳。最後當然唔少得任食嘅雪糕雪條啦！