滋味屋

營業中

休息中

今日經過呢間茶餐廳，見到有小菜食，價錢又唔貴，所以入去試吓。好味雞二人餐呢個套餐都幾多野食，有雞，有一碟小菜，有一款菜，有白飯，例湯同飲品，都幾抵食。例湯都幾濃郁，都幾多料，唔錯。我地叫咗口水雞，雞肉都幾嫩滑，d口水汁幾香口，唔算太辣，仲有腰果，份量都幾多，唔錯。小菜我地叫咗魚香茄子煲，一上枱咋咋聲，好夠鑊氣，茄子唔算太油膩，d肉碎勁惹味，要黎撈飯一流。蒜蓉炒生菜，生菜食落爽脆，勁香蒜蓉味，好味。涷檸茶d檸檬夠酸，飲落唔會苦，菜味幾濃。