必勝客

營業中

休息中

好耐無食過Pizza Hut，咁啱朋友住呢頭附近，而朋友佢最近好窮 所以諗住平平地同佢食個晚餐。叫左2人套餐，有2個忌廉湯，小食就加左$10要蒜蓉包，Pasta 就要左蒜香肉絲意粉，Pizza就加錢要左羽衣甘藍pizza，野飲我就飲熱檸水，朋友就飲凍檸荼。而我自己本身係pizza Hut 金會員，有coupon用，就用coupon免費換多個海鮮寬條麵忌廉湯就一般啦，無特別。 蒜蓉包就焗得鬆脆，牛油同蒜蓉都好香，我鍾意。蒜香肉絲意粉睇落好乾身，無汁咁，我就麻麻地。但海鮮寬條麵我就覺得幾好食，好Creamy，而且多海鮮。至於羽衣甘藍pizza，賣相唔得，淨係一堆菜堆係上面，雖然食落唔差，但我覺得大家唔駛加錢去叫呢個pizza。整體黎講都算OK嘅，仲要埋單有金會員折扣。