銀杏冰室

營業中

休息中

真係平到笑，$1塊薯餅，$2隻烚蛋，我都唔知佢點為本，啲包仲要$2-$5就有交易，真係返返咗去十幾廿年嘅消費水平。份量又大大份，黎食過兩三次，真係慳家又想健康最佳之選。味道好住家feel，冇味精感，好原味感覺，會覺得好健康。CP值超高，自己煮都未必可以用呢種價錢煮倒。雖然係長者經營，但又真係唔輸蝕，上菜速度冇其他茶餐廳快，但係都還可以接受，不過如果趕返工嘅就避開繁忙時間黎比較好，因為開飯時間會排長龍，可能都要等等。環境比較細，有啲單人位可能較窄，都有對座位，但係一家大細去嘅話，就可能要等等位，因為座位數量唔多。