大叔拉麵

營業中

休息中

今日兩個人出去行街，荔枝角D2 Place好方便，鄰近地鐵站，好多手作嘢，好多特色嘢，行到肚餓就可以食晚餐，商場入邊有好多餐廳，各有特色，最後我揀咗一間裝修好特別嘅日式拉麵店，每個拉麵可以追加一個小食，同埋追加一杯飲品，非常豐富。餐廳裝修好有日式風味，放左超多懷舊日本卡通figure及模型，打卡好正小食我揀咗「炸生蠔　」、「炸雞件」。炸到脆卜卜，熱辣辣，即叫即炸，入面肉質仍然好嫩滑。主食揀咗「豚肉白雞湯拉麵」同埋「雞肉牛骨湯拉麵」，兩款湯底都非常之香濃，真材實料，一啲都唔味精。配料豚肉同埋雞肉都好大件，唔似得其他日式拉麵，多數都係得細細片肉，仲有全隻糖心蛋，好好味。特別推介係100%椰子水，好香甜，好鮮味。