啤啤Bear韓國包車

營業中

休息中

今日又去尖沙咀諾士佛台happy hour，飲完見肚餓就去左諾士佛台1號，知道果到有好多餐廳，今次想食韓國菜就去試下呢間。餐廳環境好適合打卡，有啲座位係籃球機同跳舞機改造，好特別好似去以前既機鋪。大發！芝士鐵板泡菜炒五花肉 :🌕🌕🌕🌕🌕勁多勁多芝士👍🏻泡菜味唔會太辣，五花肉口感食落唔會太油膩，肉質都幾爽口。因為鐵板一直有火熱住，所以碳燒味好正。蕃茄韓式辣海鮮湯配中華麵 ：🌕🌕🌕🌕🌗份量適合2-3人，配菜都幾豐富同好新鮮有青口、花甲、八爪魚丶蝦肉。湯底既蕃茄味都幾濃，中華麵食落口感彈牙有小小似食緊烏冬。RED無骨炸雞配脆脆薯格(甜辣味) :🌕🌕🌕🌕🌕韓式炸雞有好多味道，我點左我至愛既甜辣味，口感酸酸甜甜好開胃。炸雞好大件，肉質好滑一啲都唔柴。First Crush :🌕🌕🌕🌕🌕口感比較甜適合女士，有淡淡既荔枝香，再加上杯邊既海鹽好清甜。