HeSheEat (THE FOREST)

營業中

休息中

和朋友旺角行街，見依間門口勁多人買牛角包雪糕打卡，好奇望多兩下，就俾朋友拉左入去食。美食選擇幾多下，價錢都好貼地，入內環境乾淨舒適，甜品好吸引，樣樣都想食。和風大蝦牛油果沙律 $98新鮮沙律菜大堆，仲有大蝦、牛油果、日式醃蘿蔔，健康又美味。底汁用柚子醋沙律汁調味，清爽酸甜，開胃又不膩，唔錯。香煎比目魚伴蜜糖芥末薯仔 $152魚皮煎得香脆，魚肉雪白軟滑多汁，配埋蜜糖芥末醬，甜甜地好好味。仲有新鮮沙律菜、香甜薯仔和多汁的車厘茄伴碟，perfect。宇治抹茶士多啤梨鮮奶 $56抹茶鮮奶口感甘香，搭配抹茶雪糕，增添層次感。杯底的士多啤梨醬果粒香甜，與抹茶的結合，帶來雙重味覺享受。士多啤梨麻糬梳乎厘班戟配士多啤梨雪糕 $128梳乎厘班戟鬆軟，蛋香濃郁，空氣感十足，好有水準。頂層放左粒士多啤梨和奶醬，配一塊口感軟糯的麻糬，甜而不膩，好食。(宇治抹茶、紅豆、白玉) 特濃5.0牛乳軟雪糕芭菲 $68牛乳雪糕口感綿密，奶味濃郁，灑上抹茶粉增添甘香。杯底的紅豆、白玉、脆米和抹茶忌廉，口感豐富多樣，食得滋味。