Pici

營業中

休息中

中午去邊都咁多人，好彩pici仲有窗口位可以坐。雖然喺室外，但唔係露天，落雨都唔會咁容易揼濕。呢間我已經食過好多次，但次次水準都係保持住，中午set lunch HK$158, 包前菜、意大利麵、同埋甜品。呢度嘅意大利麵都係手工製造，口感彈牙，好香蛋香味。我地一行三人，前菜叫左：冷切盤、生牛肉薄片、羅馬沙律。手工pasta就叫左：鮮刨黑松露細扁面、煙三文魚忌廉扁面、意大利寬帶面。其中，黑松露面係每次我都會點嘅，因為一片片嘅松露舖係上面，香氣撲鼻，又適合打卡。不過要另加HK$35。甜品方面，之前食過其他，我都係叫返tiramisu，呢個最正。