URBAN Café Commune (屯門市廣場) (已結業)

難得一日do同媽咪大人出去hightea，平時經過開呢間餐廳，都覺得裝潢好得意野食都會幾別出心裁，但係呢間餐廳下次都係唔會再食。由於係下午茶時間，所以餐廳冇乜人我哋揀咗個卡位。茉莉花茶同埋伯爵茶就冇乜特別，都係用啲茶包沖出嚟。但今次想講嘅係佢啲蛋糕真係完全唔好食，我相信連海綿蛋糕或者我整嘅蛋糕都好食過佢哋，雖然櫥窗入面好吸引但係食落佢又硬又乾，完全冇蛋糕應該有綿密嘅感覺，奉勸大家都係唔好嚟呢間餐廳食蛋糕。