食鮮

營業中

休息中

難得兩公婆撐枱腳，睇見店名叫食鮮，應該新鮮掛，開左咁耐都未試過，諗住試吓啦，叫左個牛仔骨套餐$78同埋三文魚帶子丼$78，個牛仔骨唔知係用老抽醃定係燒燶左，仲淋上燒汁黑媽媽，三文魚帶子丼就普通啦，我食左少少三文魚，唔算難食，散叫左個日本一口牛$22一串，好似揸左啲類似沙嗲汁嘅嘢，掩蓋晒啲牛味，另外叫咗個獨家炸蒜燒美國生蠔$48/2隻，我就唔係好覺個生蠔上面有炸蒜喇，仲要出哂水咁，一定要講下嘅就係嗰條鹽燒馬友魚，我見＄98一條諗住平平哋試吓啦，點知條魚上枱已經聞到腥味，打開個魚腩佢居然真係成條魚淨係落鹽齋燒，如果條魚新鮮嘅話應該係好食嘅，但係佢呢條魚真係唔係咁新鮮囉，葱都唔落條，不過佢啱嘅話明係鹽燒丫嘛，呢間食店到底好唔好食，大家自己睇相啦！埋單食咗四百幾，我就覺得唔值囉！P.S. 所有相片都係食物上枱5分鐘內拍攝，亦都無執過相。