麻辣派對 (瑞生酒店) (已結業)

麻辣派對係我最愛既食辣之選之一 今日去左尖沙咀分店過辣癮經典麻辣菜色有好多選擇 麻辣牛展肉 牛展份量都幾多麻麻辣辣 當前菜食都唔錯老檀酸菜江團魚 江團魚魚肉好嫩滑 而且起曬骨啖啖肉 而且我鍾意佢個湯底夠酸 裏面仲有酸菜豆芽菜同薯粉 可以當一份主食咁食古法咕嚕肉 咕嚕肉炸漿好薄而且香脆 食得出係新鮮炸起 而且咕嚕肉選用咗油脂平均嘅豚肉 所以食落好爽彈 仲有肉汁同脂香 係辣味菜式以外既必叫之選當日有好幾檯都慶祝生日 餐廳會幫忙播生日歌 非常有氣氛