喜亭軒 (已結業)

今日氣溫突然由尋日嘅25度跌到今日嘅11度。天寒地凍打邊爐真係一流。喜亭軒係我近期喜愛嘅聚餐地方。點解咁講，因為佢有齊雞煲，火鍋🍲同鐵板燒。可以一次過滿足你三個願望。今日係星期一嘅晚上，但接近九成嘅入座率可見佢有過人之處。醬料以放係自助區。飲品種類都算多。汽水🥤，啤酒🍻同埋自家製飲品都有。而且自助區亦有雪條無限量供應添。首先會上左雞煲先，小編覺得佢個雞煲好入味。而且我最鍾意佢嘅地方就係雞煲份量唔多。咁就唔會食到飽晒之後食唔到火鍋🍲同鐵板燒。記得記得點左火鍋湯底先。因為雞煲同火鍋係可以同時進行🤣🤣🤣食完雞煲之後就可以叫侍應換鐵板喇🤤食物種類都算多，海鮮🦞有扇貝，蟶子，蜆等等。最值得一讚係完全無沙🤤🤤。肉類有牛。豬，羊🐑選擇。牛肉好有牛味。無論鐵板燒定打邊爐都好好食。其他打邊爐食物響鈴，鴨血等等數之不盡。價錢合理，環境舒適，食物種類極多。可以話係同親朋好友聚餐地方之選。