哥登堡餐廳

營業中

休息中

朋友推薦呢間老自號西餐廳，於是嚟試下佢嘅扒餐。第一次嚟，一入內，佢嘅環境同細細個去嘅西餐廳(好多執了，真係越嚟越少)已經好似，侍應都係白恤衫，好整齊。我哋點了牛扒同牛柳餐各一， medium ，紅/白湯各一我嘅紅湯好正，同細個食嘅西餐廳一樣味道；佢嘅餐包同牛油又係好鬆軟。扒呢，依家冇咗當面淋汁囉，冇咗嗰種「炸炸」聲同D煙升上嚟，唔洗用餐巾遮住D汁彈落衫褲，不過味道同質素都係做到細個食嘅，尤其中意佢嘅薯條，超正!餐飲我哋叫了普通熱飲。但佢嘅甜品又係經典，青檸啫喱上淋滿花奶，啫喱而內有乾坤，有菠蘿粒，呢個係坊間少有喇，不過啫喱實咗D，如果落多少少水軟D好味D(純粹個人意見)。btw, 呢度嘅客人可能是街坊多，侍應們都親切同客人交談，感覺親切。