瑞士咖啡室

營業中

休息中

甫進餐廳就被時光倒流30年嘅氛圍吸引住——格仔磚地板、高樓底配上80年代嘅吊扇、手寫餐牌、瓷磚牆，一事一物都有懷舊嘅感覺。當中最重要嘅當然係一班經驗老到嘅夥計們啦！佢哋最明白客仔喺中環食晏最緊要快，雖然全場咁多人令夥計好忙碌，我哋依然點完餐唔洗三分鐘就上哂所有食物同飲品，手腳快、狠、準，真係值得嘉許。我叫咗鹹蛋蒸肉餅飯同熱檸水，肉餅同飯份量很大，相信係男士們食都會滿意嘅份量。調味適中冇過咸，係我餓到肚都扁埋嘅時候熱辣辣上碟，真係唔使10分鐘就食清光啦。同事食時菜牛肉飯飲熱奶茶，牛肉全部大大塊，口感係有嚼勁嘅，足料到啲餸直情鋪到成座山咁高！而且係即叫即炒，好有鑊氣，賣相同味道都好唔錯！熱飲仲係用最愛嘅厚身瓦杯裝，奶茶香滑茶味濃郁。我哋兩個食完都大滿足，充滿力量繼續工作啦。