樓下火鍋飯店

餐廳係70-80年代既懷舊裝修 一入去就聽到播住經典既廣東歌 係呢個環境下打港式邊爐好岩feel!


石橄欖椰子湯（配去骨大騸雞）: 湯底清熱下火鮮甜 雞肉烚2分鐘左右肉質紮實得黎唔乾柴
本地手切肥牛 : 手切肥牛牛味特別濃郁 每片都有d厚度有咬口 脂肪比例唔算高但都嫩滑
五寶丸 (牛筋丸 墨魚丸 梅葉豬肉丸 蝦丸 鯪魚丸) : 非常彈牙 每隻味都好出 梅葉豬肉丸特別出色
鬼馬蝦膠 : 蝦滑釀油炸鬼 烚完之後油炸鬼仍然少少脆口
黑松露蟹肉餃 : 足料飽滿 入面有一絲絲蟹肉 好有鮮味
鴨屎香檸檬茶 : 茶底夠濃 酸爽解膩
尖沙咀分店仲有生醃海鮮 生醃廣島蠔鮮味肥美

1

1