今次係外賣返去食，唔係堂食哦～
傳統款式係馬蹄糕、芝麻糕、馬豆糕、紫芋糕、紅豆糕、椰汁糕、桂花糕etc.
新派最搶眼一定係彩虹椰汁糕🌈
除咗糕點，另外見仲有奶凍、布甸等等，所有嘢價錢都唔貴，十蚊八蚊有交易了，而且就算一件都好大舊！相當抵食！😆
試咗幾個口味，樣樣都好食，例如馬蹄好爽口、紫芋香氣十足，而當中我最鐘意紅豆糕！🫘
糕體軟糯，就算雪凍食都唔會硬掘掘，紅豆粒粒飽滿粉口，分佈均勻
而我最有興趣嘅彩虹椰汁糕都好得意！
原來係椰汁糕包住啫哩，咬到啫哩部分會味道酸酸甜甜咁，同椰汁糕個口感意外地幾夾！
加上外型好色彩繽紛，呢排落雨落到心情灰濛濛，睇見咁靚嘅糕點，個人都開心d🫶🏻
2
