老厝邊

營業中

休息中

一直都好想試吓呢間老厝邊，今日收工之後，相約咗朋友去到銅鑼灣分店食飯，展開台灣美食之旅嘅短暫快樂。首先我同呢位朋友仔本身都一樣幾鍾意台灣美食，呢一間老厝邊比我哋嘅感覺都唔錯。老厝邊有種懷舊感，佢哋係做古早味台灣菜，所以餐牌上有多種招牌小食揀，而且台飲都有好多款可以揀。起司肉鬆蛋餅 起司肉鬆係招牌口味，招牌果然係招牌！蛋餅係微脆偏煙韌，即係台灣人口中嘅Q彈 去形容，必食！而蛋餅醬汁係秘製，非一般醬油膏，仲有蒜香同微弱香辣感，就好似特濃滷味。滷肉飯(大)份量十足嘅滷肉飯，每一啖都食到香濃嘅滷肉，滷肉入口即溶，而且每啖飯滿滿都係油香味！牛肉＋香蔥油乾拌麵牛筋燜得好入味，肉質一啲都唔韌，非常容易咬！正！蔥油香氣撲鼻，拌麵並唔油膩。加入生菜令拌麵口感更清新。好呷炸物拼盤4款滋味炸物小食，香氣十足！包括有花枝丸、甜不辣、四季豆及玉米筍，爽、脆、彈牙嘅口感全部到齊，個人特吃喜歡花枝丸&甜不辣，呢兩種入口都非常有Q彈口感。