影片
更多
2024-11-22
1199 瀏覽
係旺角以為都唔會睇到靚景，點知搵到依間對出嘅彌敦道嘅燈光令到環境好靚，室內裝修同埋餐桌擺設都好優雅每張枱上面都有蠟燭，略帶昏暗嘅環境下更加有feel今次紀念日就揀咗依間，本身係比佢個海鮮set吸引咗，結果正式睇menu果陣發現花多眼亂，最後都係先試下有原隻波士頓龍蝦嘅薄餅。原隻波士頓龍蝦明太子海鮮薄餅 $248中間嘅龍蝦頭喺勁佳嘅視覺享受之外，入面仲有肉同埋勁多膏無論就咁食定食舖埋上薄餅度一齊食都好正兩隻龍蝦鉗連埋薄餅一齊烤，肉好厚身好貼心咁已經處理好，好易就可以食到薄餅有勁豐富嘅海鮮，有三文魚、吞拿魚、蟹柳當然唔少得就係龍蝦肉同明太子，份量都好多，每一塊都食到自家製薄餅批邊焗到脆皮，厚度處於中間，所以批邊好脆內側仲係好鬆軟熱焫焫果陣仲會拉絲﹗口感好豐富又勁夾，而家嘅困擾係下次嚟又想食返依個但又想試下其他味好心大心細紅酒汁慢煮牛臉頰闊條麵 $158牛臉頰烹煮到超淋，就咁叉落去都已經可以輕易分開食落感受到肉質嘅淋同埋嫩滑，肉味都仲保持到闊條麵每條好厚身好有咬口，同時都好掛汁，每一條都好入味好好食凍抹茶牛奶 & 海鹽抹茶芝士奶蓋 $51 & $48兩杯嘅抹茶味好夠好濃芝士奶蓋夠稠身，芝士味
對出嘅彌敦道嘅燈光令到環境好靚，室內裝修同埋餐桌擺設都好優雅
每張枱上面都有蠟燭，略帶昏暗嘅環境下更加有feel
今次紀念日就揀咗依間，本身係比佢個海鮮set吸引咗，結果正式睇menu果陣發現花多眼亂，最後都係先試下有原隻波士頓龍蝦嘅薄餅。
原隻波士頓龍蝦明太子海鮮薄餅 $248
中間嘅龍蝦頭喺勁佳嘅視覺享受之外，入面仲有肉同埋勁多膏
無論就咁食定食舖埋上薄餅度一齊食都好正
兩隻龍蝦鉗連埋薄餅一齊烤，肉好厚身
好貼心咁已經處理好，好易就可以食到
薄餅有勁豐富嘅海鮮，有三文魚、吞拿魚、蟹柳
當然唔少得就係龍蝦肉同明太子，份量都好多，每一塊都食到
自家製薄餅批邊焗到脆皮，厚度處於中間，所以批邊好脆內側仲係好鬆軟
熱焫焫果陣仲會拉絲﹗
口感好豐富又勁夾，而家嘅困擾係下次嚟又想食返依個但又想試下其他味好心大心細
紅酒汁慢煮牛臉頰闊條麵 $158
牛臉頰烹煮到超淋，就咁叉落去都已經可以輕易分開
食落感受到肉質嘅淋同埋嫩滑，肉味都仲保持到
闊條麵每條好厚身好有咬口，同時都好掛汁，每一條都好入味好好食
凍抹茶牛奶 & 海鹽抹茶芝士奶蓋 $51 & $48
兩杯嘅抹茶味好夠好濃
芝士奶蓋夠稠身，芝士味好濃，好食到我係咁直接舀嚟食
焦糖無花果伯爵茶奶蓋巴斯克芝士蛋糕(half) $98
超打卡able﹗仲好好食﹗見好多人都選擇係度慶生，仲有好靚嘅畫碟(坐隔離就係usagi，勁可愛啊)
無做到功課所以無提前約(大家唔好好似我咁)
但就算係咁店家都好用心地畫碟，雖然唔係公仔但都勁靚，好驚喜好開心
重要好好食﹗﹗
好香好濃嘅伯爵茶味，巴斯克芝士蛋糕夠軟熟
上面就係好好食芝士奶蓋同埋用糖浸泡過嘅無花果乾
張貼
