薈聚軒

營業中

休息中

預約8點半晚飯幫家人慶祝生日，片皮鴨、蟶子、乳鴿等等多款餸菜已售罄，9點開始職員已經趕收工，有啲更加換完衫沖住走，我地都唔已經唔敢慢慢食，大家食到趕頭趕命，9點20分左右已經叫職員幫手執枱上埋蛋糕，收$100切餅費連叫個職員幫我哋點個蠟燭，一名紫色恤衫疑似經理嘅男子串到：「我冇火機喎，你問啲有食煙嘅人」轉身走咗，然後一路執嘢一路嗌熄燈鎖門等等嘅說話，最後要搵第二個着制服嘅職員，先可以點到爉燭。又係趕頭趕面食完個蛋糕就離開。見寫營業時間去到10點，如果餐廳 9:30就已經要清曬場嘅，就唔應該俾人預約8:30食飯，一餐飯食到趕頭趕命，要受咁嘅對待，一收左錢果下就已經唔配坐喺度嘅感覺，感覺十分惡劣。