影片
更多
2017-01-14
2266 瀏覽
上環嘉豪酒家態度勁差！星期日午市飲茶，可以理解人多、人手不足，作為客人可以等候服務，好多客人斟茶都自助。非必要也不會打擾職員。但是從老闆到職員態度傲慢無禮卻不能接受。眼見兩位女職員企在前面三張檯位置，揮手又揮手。終於有眼神接觸，無任何反應走開。此後再重複發生一次，終於等一陣見到一位高級的女職員（著黑背心）企在我前面一張檯的通道位置傾偈，等前面幾位老友記行過。揮手又扮睇唔到。唯有自己行前，嗌「唔該你呀，部長」。嗌三次先望一望我，無應答。坐返位等該位職員行過，點知行過黎停下都無，望都唔望，只係邊行邊擺手叫我「等陣」！無辦法搵經理反映下，要等10分鐘先有一位經理出來。企係度同經理投訴件事，又要被其他經過的同事惡型惡狀鬧「你行開啲啦，唔好阻住！」因為指俾經理睇係投訴邊位同事，就被該位女同事衝過來鬧「你炒咗我呀！」另外一位白髮伯伯就用很晦氣的聲線，好大聲不停話「對唔住呀！」但眼望都唔望你。問題係我同經理傾，伯伯無端過來。我解釋我是針對某位職員投訴，伯伯無需道歉，但伯伯唔停口咁用晦氣的聲線講「對唔住呀」！搞到次，也知道酒樓無心處理。反而經理一句說話「請體諒，依家請人困難」令我唔想再令經理為難。人手
眼見兩位女職員企在前面三張檯位置，揮手又揮手。終於有眼神接觸，無任何反應走開。此後再重複發生一次，終於等一陣見到一位高級的女職員（著黑背心）企在我前面一張檯的通道位置傾偈，等前面幾位老友記行過。揮手又扮睇唔到。唯有自己行前，嗌「唔該你呀，部長」。嗌三次先望一望我，無應答。坐返位等該位職員行過，點知行過黎停下都無，望都唔望，只係邊行邊擺手叫我「等陣」！
無辦法搵經理反映下，要等10分鐘先有一位經理出來。企係度同經理投訴件事，又要被其他經過的同事惡型惡狀鬧「你行開啲啦，唔好阻住！」因為指俾經理睇係投訴邊位同事，就被該位女同事衝過來鬧「你炒咗我呀！」
另外一位白髮伯伯就用很晦氣的聲線，好大聲不停話「對唔住呀！」但眼望都唔望你。問題係我同經理傾，伯伯無端過來。我解釋我是針對某位職員投訴，伯伯無需道歉，但伯伯唔停口咁用晦氣的聲線講「對唔住呀」！搞到次，也知道酒樓無心處理。
反而經理一句說話「請體諒，依家請人困難」令我唔想再令經理為難。人手不足，等候時間長真係可以體諒，但傲慢無禮的態度不能體諒！
張貼