豪隍點心工房

營業中

休息中

估唔到呢間喺觀塘好出名食手工點心嘅餐廳開到嚟太古城，由於太古城太大所以搵咗一輪都搵唔到，最後問太古城啲職員先至知原來佢匿埋咗喺二樓嘅food court入面。要試佢哋嘅點心梗係要先試蝦餃啦，呢度一籠有兩粒，不過佢個蝦餃真係好大粒，蝦餃皮唔算好薄，但係入面係爆多蝦嘅，塞到實曬咁樣，而且啲蝦嘅肉質都幾新鮮，呢個好食。馬拉糕熱辣辣，夠晒鬆軟，幾香幾好味。佢嘅炸春卷就麻麻地，主要入面啲餡麻麻地。反而個炸饅頭有驚喜。整體嚟講都係覺得觀塘總店嗰邊嘅味道好啲。