Amber’s Table

營業中

休息中

用餐當天早上收到餐廳whatsapp確認訂座有無更改、因留意到我喺OpenRice 呢度訂位時有揀慶祝生日，對方會主動問我是否需要喺甜品上食英文生日字👍🏻而主要令我想食呢篇食評嘅原因係因為一位職員-主責門面安排入座嘅 Takki 小姐。由入座、點餐及埋單，佢都係好有笑容及禮貌。點餐時我點咗一杯特飲，佢會立即提醒我特飲嘅價錢，以免產生誤會。同時留意到佢同其他客人嘅互動都係好好，相信有d係常客，所以Takki會記得對方通常係幾多位同行，又會幫小朋友泊好佢架🚲。近年已經好少見好少咁有heart 嘅職員，係有溫度嘅服務！覺得呢間餐廳有佢真係好幸運。呢個亦都會係令我希望再次光顧嘅其中一個因素。食物方面，上菜有效率，味道都唔錯，如果個意大利飯嘅黑松露味可以再明顯d就會更好。點咗杯特飲係 牛油果開心果奶昔，好啱自己口味，兩種味道都飲得出。整體令人滿意嘅一餐。