ROYAL INN

營業中

休息中

模仿法國凱旋門設計既餐廳相當有格調、堂皇高貴，俾我哋一種好Grand嘅感覺，適合同朋友一齊去打卡。炭燒12oz安格斯西冷牛排五成熟嘅牛扒，店家好體貼咁預先切好一塊塊， 剛剛好，唔會好鞋，肉質又鮮嫩、緊實，鎖住牛肉肉汁，食到少許炭燒既香味。千層薯蓉表皮焗得外脆內軟，食落去有層次感。流心布袋芝士紫薯意大利飯意大利飯粒粒分明，但紫薯味唔算突出，一大塊水牛芝士非常之邪惡，撈勻之後飯粒可以拉絲，令到碟菜層次唔同咗，更加重芝士味。如果唔鍾意水牛芝士嘅朋友，都可以就咁食。視覺同味覺既享受😎。