影片
更多
2022-11-18
353 瀏覽
又到聖誕節🎄諗到去邊度食聖誕大餐未呢 半島酒店入面 有一棵好吸睛好啱打咔既 bling bling 聖誕樹😍 仲有好多好多小聖誕樹係入面 喺咁多聖誕樹同燈光嘅包圍中食大餐 加上有現場演奏嘅歌聲同音樂陪同 會係一個好正好開心嘅聖誕節🥖 麵包有三款 有好香牛油味好軟熟既包（呢個最好食）有圓形嘅小法包 同有麥香味嘅包🍏北海道帶子配日本青瓜、萵苣、青蘋果汁頭盤嘅北海道帶子俾咗驚喜我 三粒帶子都燒過 食落香口 青瓜萵筍浸入青蘋果汁入面 放心唔會酸 而係好Fresh嘅感覺 成碟菜都非常之清新開胃 😋🥣 扁豆湯配香葱忌廉、薩丁尼亞薄餅扁豆湯平時出面好少見所以想試吓 飲落去有少少鹹鹹地同沙沙地 個薄餅係脆餅可以送湯飲 建議可以唔使叫呢個🐟 比目魚配燴殼豆、蝦、辣肉腸、番茄、馬鈴薯呢個主菜我咬咗一啖就已經覺得好好味 首先比目魚嘅皮煎得好脆 而魚肉就非常之嫩滑 估唔到辣肉腸、番茄、馬鈴薯呢個配搭好野味 開胃又飽肚 比起平時既薯蓉配菜嚟得有心思同特別好多🍗慢煮黃油雞、烤西蘭花苗、柚子汁呢個黃油雞冇乜脂肪 所以冇想像之中咁滑 雞皮唔算好脆 食嘅時候要沾上有粒粒柚子肉既柚子汁 整體冇比目魚咁出色🍰紅桑子荔枝慕絲
🥖 麵包有三款 有好香牛油味好軟熟既包（呢個最好食）有圓形嘅小法包 同有麥香味嘅包
🍏北海道帶子配日本青瓜、萵苣、青蘋果汁
頭盤嘅北海道帶子俾咗驚喜我 三粒帶子都燒過 食落香口 青瓜萵筍浸入青蘋果汁入面 放心唔會酸 而係好Fresh嘅感覺 成碟菜都非常之清新開胃 😋
🥣 扁豆湯配香葱忌廉、薩丁尼亞薄餅
扁豆湯平時出面好少見所以想試吓 飲落去有少少鹹鹹地同沙沙地 個薄餅係脆餅可以送湯飲 建議可以唔使叫呢個
🐟 比目魚配燴殼豆、蝦、辣肉腸、番茄、馬鈴薯
呢個主菜我咬咗一啖就已經覺得好好味 首先比目魚嘅皮煎得好脆 而魚肉就非常之嫩滑 估唔到辣肉腸、番茄、馬鈴薯呢個配搭好野味 開胃又飽肚 比起平時既薯蓉配菜嚟得有心思同特別好多
🍗慢煮黃油雞、烤西蘭花苗、柚子汁
呢個黃油雞冇乜脂肪 所以冇想像之中咁滑 雞皮唔算好脆 食嘅時候要沾上有粒粒柚子肉既柚子汁 整體冇比目魚咁出色
🍰紅桑子荔枝慕絲、杏仁脆脆、乳酪雪糕
🍰蜜糖檸檬、32%牛奶朱古力蜜糖慕絲、檸檬忌廉、橄欖油蛋糕
兩個甜品都喺酒店級水準
紅桑子呢個每一層都有唔同嘅味道 先係酸酸嘅紅桑子醬 中間係淡淡既嘅荔枝味cream 中和返個酸度 最底嘅杏仁餅係我嘅大愛 鍾意食脆底餅底嘅你都一定係鍾意呢個
牛奶朱古力慕絲比較甜 食落似係食緊一粒香滑嘅朱古力 我覺得仲有少少拖肥味添 檸檬雪芭可以解膩
☕️ 咖啡或半島精選名茶
茶方面可選 earl grey, chamomile, breakfast tea, afternoon tea
有呢個環境同氣氛 係值得尼架
張貼
