影片
更多
2011-07-27
5 瀏覽
今次係第一次食 L'Eclipse 嘅 Buffet。以前都有聽朋友講過話依喥啲嘢唔錯，今次終於可以品嚐一下喇！一入到L'Eclipse，只感覺到地方唔大，睇落食物選擇好似唔多，即時有點失望！但事實並非如此！L'Eclipse 嘅食物款式雖然唔算得話多，但都唔算少，如果鍾意食海產類食物嘅人嚟依喥食 buffet 應該會覺得唔錯！首先講下海產食物：蠔：有兩種美國生蠔 及 一種燒蠔 ~ 必食！龍蝦：三種龍蝦 及另有一種龍蝦拑 ~ 必食！凍蝦：肉質夠實兼且彈牙凍蟹：冇乜肉食，可以唔食翡翠螺 & 青口：味道一般刺身：味道一般，略嫌失望煙三文魚：味道突出，有別平時一般煙三文魚 ~ 必食 另外：沙律：好味！啲蔬菜好新鮮鵝肝：即叫即煎，入口唔會太油、太漏，非常好味 ！但鵝肝下面嘅多士唔夠脆，而且好硬！主菜：牛柳、羊鞍、鱈魚扒及燕窩墩蛋 ~ 四選二。我揀咗羊鞍拼鱈魚扒，羊鞍好腍而且唔羶，但鱈魚扒就稍為「鞋」咗啲。熱葷：選擇唔算太多，但由於太飽，所以冇食過！天婦羅：即叫即炸，好味！梳乎厘：芒果味及朱古力味 二選一。我揀咗朱古力味，朱古力味香濃，但可惜攞到嚟嘅時候梳乎厘已經「謝皮」其他甜品款式唔算太多，但
一入到L'Eclipse，只感覺到地方唔大，睇落食物選擇好似唔多，即時有點失望！但事實並非如此！L'Eclipse 嘅食物款式雖然唔算得話多，但都唔算少，如果鍾意食海產類食物嘅人嚟依喥食 buffet 應該會覺得唔錯！
首先講下海產食物：
蠔：有兩種美國生蠔 及 一種燒蠔 ~ 必食！
龍蝦：三種龍蝦 及另有一種龍蝦拑 ~ 必食！
凍蝦：肉質夠實兼且彈牙
凍蟹：冇乜肉食，可以唔食
翡翠螺 & 青口：味道一般
刺身：味道一般，略嫌失望
煙三文魚：味道突出，有別平時一般煙三文魚 ~ 必食
另外：沙律：好味！啲蔬菜好新鮮
鵝肝：即叫即煎，入口唔會太油、太漏，非常好味 ！但鵝肝下面嘅多士唔夠脆，而且好硬！
主菜：牛柳、羊鞍、鱈魚扒及燕窩墩蛋 ~ 四選二。我揀咗羊鞍拼鱈魚扒，羊鞍好腍而且唔羶，但鱈魚扒就稍為「鞋」咗啲。
熱葷：選擇唔算太多，但由於太飽，所以冇食過！天婦羅：即叫即炸，好味！
梳乎厘：芒果味及朱古力味 二選一。我揀咗朱古力味，朱古力味香濃，但可惜攞到嚟嘅時候梳乎厘已經「謝皮」
其他甜品款式唔算太多，但有Haagen-Dazs 雪糕補番數！
總括嚟講：值得一試！如果有生日優惠就更加抵！！
張貼
