素年 (福隆大廈)

營業中

休息中

見朋友同係好多foodie 都食過，就同男朋友黎試試，餐廳坐位吾太多，但好彩都冇咩人等位，所以好快入左，而我地就嗌左日式定食同兩杯飲品。日式定食黎到已經好吸引，有六小碟既前菜，有日本番薯、枝豆、豆腐、南瓜薯餅、子薑同抹茶蕨餅，然後就係腐皮烏冬同麵豉湯。我地就先食小食，樣樣都好好食，我個人就最鍾意南瓜薯餅，好甜好脆！其實食南瓜薯餅同日本小番薯都已經有少少膩然後再食個烏冬，佢個湯同我想像中有d出入，吾係普通餐廳嗰啲腐皮烏冬湯，係鹹味既，所以我覺得有啲奇怪但都係好食既。食完啲小食再食一半個面已經覺得好飽，男朋友都覺得飽。而且我哋仲有兩杯嘢飲，我飲嘅係火龍果香蕉燕麥奶，而男朋友係藍莓黑提子燕麥奶，我哋覺得兩杯都好好飲，係真材實料，正！其實食完嗰餐已經飲唔落兩杯嘢飲，真係好飽，所以覺得個餐都好值，係值得返轉頭既餐廳。