熊貓小雲吞 (慈雲山中心)

營業中

休息中

琴日去左慈雲山搵朋友，就順便睇下呢個地方有咩食啦。一落車就見到熊貓小雲吞，睇一睇就覺得啲嘢食好似幾吸引喎。於是叫就叫左個外賣麻辣手撕雞便當。返到去一打開就覺得好多嘢餸好抵食，有海帶，青瓜，涼麵，手撕雞。而大部分餸都淋左啲辣汁上去，食落又唔算係太辣嘅，而份量亦都係十分之多，一個人食嘅就真係覺得好飽。自己覺得海帶食落都幾爽口，但自己就麻麻地啦，可能係口味問題啦。而手撕雞同青瓜都係高汁嘢！下次有機會都會試埋鹽焗手撕雞！