影片
更多
2023-08-01
44 瀏覽
葵涌廣場就去得多，葵芳廣場真係第一次嚟，原來入面都有唔少商舖。今日由朋友帶路，嚟咗呢間門面好 Sharp 醒嘅「12燒」食晏。聽朋友講，餐廳只係開咗幾個月，但平日夜晚都有唔少捧場客。小店地方不大，裝修簡約，設堂食及外賣自取。餐廳主打港式及四川風味串燒，醬汁口味非常之多，足足有成 12 款，而 lunch time 更有多款午餐供應，定價相宜，最平 $50 有交易。我哋點咗個燒鰻魚飯 ($68) 同 自選串燒 ($65)，+$5 可配汽水一罐。鰻魚燒得好靚仔，肉質肥美，嫩滑之餘又啖啖肉，有入口即溶嘅油脂感。醬汁亦調校得啱啱好，鮮甜入味，拌飯一流。配菜仲有四季豆同煎蛋塊，分量十足！串燒餐包五串 $16 或以下串燒，如選 $16 以上，可補差額。點咗蜜糖煙肉腸仔卷、咸蛋王雞髀肉、黑椒牛舌、椒鹽豬頸肉 同 蒜蓉五花腩。煙肉腸仔卷外脆內軟，同蜜糖好夾。雞髀肉好腍好 Juicy，加上咸蛋王醬，鹹香惹味！牛舌燒至啱啱熟，面頭沾滿帶微辣嘅黑椒汁，入口爽脆多汁，有嚼勁又唔韌。豬頸肉即叫即燒，外層焦香，夠爽彈又入味，入口更散發著陣陣椒鹽香味。五花腩肥瘦適中，肉質甘香有脆度，食落一點也不肥膩，蒜蓉香味四溢。
葵涌廣場就去得多，葵芳廣場真係第一次嚟，原來入面都有唔少商舖。今日由朋友帶路，嚟咗呢間門面好 Sharp 醒嘅「12燒」食晏。
聽朋友講，餐廳只係開咗幾個月，但平日夜晚都有唔少捧場客。小店地方不大，裝修簡約，設堂食及外賣自取。
餐廳主打港式及四川風味串燒，醬汁口味非常之多，足足有成 12 款，而 lunch time 更有多款午餐供應，定價相宜，最平 $50 有交易。
我哋點咗個燒鰻魚飯 ($68) 同 自選串燒 ($65)，+$5 可配汽水一罐。
鰻魚燒得好靚仔，肉質肥美，嫩滑之餘又啖啖肉，有入口即溶嘅油脂感。醬汁亦調校得啱啱好，鮮甜入味，拌飯一流。配菜仲有四季豆同煎蛋塊，分量十足！
串燒餐包五串 $16 或以下串燒，如選 $16 以上，可補差額。點咗蜜糖煙肉腸仔卷、咸蛋王雞髀肉、黑椒牛舌、椒鹽豬頸肉 同 蒜蓉五花腩。
煙肉腸仔卷外脆內軟，同蜜糖好夾。雞髀肉好腍好 Juicy，加上咸蛋王醬，鹹香惹味！牛舌燒至啱啱熟，面頭沾滿帶微辣嘅黑椒汁，入口爽脆多汁，有嚼勁又唔韌。
豬頸肉即叫即燒，外層焦香，夠爽彈又入味，入口更散發著陣陣椒鹽香味。五花腩肥瘦適中，肉質甘香有脆度，食落一點也不肥膩，蒜蓉香味四溢。以後嚟葵芳掃街又多個好選擇。
張貼
