金子半之助 (利東街)

營業中

休息中

排左約15分鐘，有位中年女店員帶位，我地一行3人，入到去先話得返吧枱（唔明點解唔係出面問聲介唔介意坐吧台），而我地入到去見仲有兩張吉嘅3至4人枱，但女店員話要留俾員工（而當時係無員工係度食野），叫我地出去再等。出到去，店員又唔同後面啲顧客講聲，搞到後面d人以為我地插隊。跟住等多15分鐘，果名女店員又出黎叫位，完全無視我地，直接帶後面班顧客入去（連一句唔好意思，暫時未有吧枱都無講，感覺完全唔想做你生意）。等左半個鐘心情已經好差唔想食，後黎去左街頭間日本餐廳，一開始又係無3至4人枱，因為人地真係有員工食緊飯，但都主動讓出座位。同樣係日本餐廳，態度真係一天一地。