影片
更多
2021-12-24
748 瀏覽
人生第一次寫食評，不善寫文章的我也要破例一次！因為餐廳老闆娘的惡劣態度，以及我哋被老闆用粗口謾罵，令我不能不寫！我一向喜歡睇openrice嘅食評去選擇餐廳，上星期五選擇咗呢間餐廳，簡直是惡夢的開始！我哋一行6人為兩位朋友慶祝生日，準備了兩個蛋糕，兩支白酒。餐廳沒有A La Carte Menu, 只有set dinner，而每個set dinner 都有甜品，但由於我哋已經有兩個蛋糕，所以問招待我哋嘅女待應可否不要甜品，佢話可以改前菜的，我哋其實都有疑問，可以改前菜咁好？！所以落單前再問多一次係咪真係可以，該女待應回應可以的。最後我哋叫咗6個set share。首先，一開始有兩籃麵包，不得不讚，麵包真係好好食，但其他菜式味道真係好一般，沒有驚喜，賣相亦一般，伴碟基本上前菜都係幾片沙律菜，主菜都係西蘭花、薯蓉。當然味道好唔好，好視乎個人口味，所以沒有什麼好投訴，我哋依然照食，唯獨個法式血鴨胸要講下，我哋基本上食咗1/4，因為好靭。但其中一度前菜真係令我十分’驚’喜! 黑松露醬炒蛋竟然有鐵絲，是我從口裏拿出來的😳，我向女待應反映，佢叫咗老闆娘過嚟，老闆娘竟然話係我哋帶來支酒個蓋嘅鐵絲，
我一向喜歡睇openrice嘅食評去選擇餐廳，上星期五選擇咗呢間餐廳，簡直是惡夢的開始！
我哋一行6人為兩位朋友慶祝生日，準備了兩個蛋糕，兩支白酒。餐廳沒有A La Carte Menu, 只有set dinner，而每個set dinner 都有甜品，但由於我哋已經有兩個蛋糕，所以問招待我哋嘅女待應可否不要甜品，佢話可以改前菜的，我哋其實都有疑問，可以改前菜咁好？！所以落單前再問多一次係咪真係可以，該女待應回應可以的。最後我哋叫咗6個set share。
首先，一開始有兩籃麵包，不得不讚，麵包真係好好食，但其他菜式味道真係好一般，沒有驚喜，賣相亦一般，伴碟基本上前菜都係幾片沙律菜，主菜都係西蘭花、薯蓉。當然味道好唔好，好視乎個人口味，所以沒有什麼好投訴，我哋依然照食，唯獨個法式血鴨胸要講下，我哋基本上食咗1/4，因為好靭。
但其中一度前菜真係令我十分’驚’喜! 黑松露醬炒蛋竟然有鐵絲，是我從口裏拿出來的😳，我向女待應反映，佢叫咗老闆娘過嚟，老闆娘竟然話係我哋帶來支酒個蓋嘅鐵絲，但酒係佢哋開嘅倒嘅，鐵絲係喺蛋裏面嘅，咁佢意思即係我自己走去冰筒拎支酒蓋嘅鐵絲放入咀裏面？？？跟住佢嘅態度真係不得了，佢話好啦，咁係我哋問題啦，sorry啦，咁你哋想點吖？！不停重複，我後悔當時唔錄低佢! 佢話一係取消佢，一係你哋想點吖？！咁我哋話取消啦。
最後埋單時，個炒蛋-$100，原來前菜只值$100，咁佢哋個set都幾貴。仲有個extra charge $200，老闆娘話係甜品改前菜要加錢！我哋話果位女待應無講，落單前我哋仲double confirm係咪可以改佢都無講，老闆娘即刻話無可能，一定要加的，佢走去問待應，回來答覆係，我同事話有講，不過唔緊要啦，你哋話無就無啦⋯⋯嘩，佢嘅面口、態度真係不得了！我叫佢有時間去睇返CCTV。
我哋成餐飯都好委屈，埋咗單準備走，我哋同老闆娘講你哋態度真係好有問題，唔係錢問題，係attitude問題，老闆娘又來例牌回覆，係我哋問題啦，sorry啦，令你哋咁唔開心，咁你哋想點吖？！不停重複🥲⋯⋯跟住話咁你哋想點吖，咁唔開心，我void咗你哋張簽單囉！我哋話唔需要，我哋唔係要拎著數，係想反映你嘅態度！！！
食到一肚氣走人，仲未完結，落到餐廳樓下，老闆娘老公即係老闆，係佢泊係巴士站嘅私家車上面走出嚟，向我哋衝過嚟，指住我哋破口大罵，你哋呢啲x客、死八婆，幫襯果幾千蚊，以後唔好來呀！全條街嘅人都望住我哋，嚇到我朋友想喊🥺
呢間惡人餐廳，除咗麵包好食，沒有理由要去！
張貼