串虎

營業中

休息中

假期去吓啲商場逛，喺元朗應該係呢個場最大～YOHO,行到咁上下，揀咗佢～串虎！揀咗串虎御膳～五串炸，五串燒，一磚豆腐，八爪魚刺身，沙律，海帶湯，白飯，仲有雪菜同脆瓜粒。咁嘅陣容$128加一，姑勿論好唔好食，呢個價算OK.再嚟試吓味道，炸雞串鹹～燒雞肉串仲鹹，雞心有小小腥味，雞尾第一口咬落去好『肥美』，真係想放棄，但佢又幾香口，真係「欲拒還迎」都將佢清左。其他無乜特別，不過不失。飲品大多係梳打，叫咗杯檸檬茶（無檸檬）漱口。二口子二set 埋單$306，可以接受，但無驚喜。回頭度：5/10因為我唔係住呢度，真係無可能山長水遠嚟食佢，如果行過，一試無妨。