斗滾 (銀座38) (已搬遷) 新店位置

5月中ws booking, 話要平日730, 4位，要等到16/5先有位，照要！7點上到去，嚇一嚇，連等lift 位置都有人坐，建議大家訂台時講明唔好坐走廊，因為好熱好熱好熱。平日$268+1，任食唔限時730 被安排入座，同行4人一齊like fb/ig 可以任食牛頸脊同豚肉。坐底就話比店員知雞煲要小辣就ok，大約5分鐘後雞煲到，比個計時器你每2分鐘炒一炒。好香，足料，雞juicy，唔係平時個d 勁多汁既雞煲，係平炒雞煲，好味，叫左2 round!之後食完雞煲，會自動波上海鮮盤，扇貝鮑魚都新鮮，唔梅唔爛，貝同烏冬就麻麻，但整體都ok!之後飲老火湯，足料，成半隻雞，有d 杞子，菇係入面，1人都飲左3,4碗，有少少味精啦，未到頭痛。之後直接加湯打邊爐，呢碟牛係任食，出面雪櫃重有少少餸比你夾，但款式唔多，唔好太大期望。牛一定要用蔥蒜個d 點，因為有陣潤味，因為近內臟，但都可以接受，顏色味道都ok。最後送既椰子雪燕，好甜好甜好甜🤪