Supreme Steak & Grill

營業中

休息中

估唔到喺深水埗可以食到咁好味嘅扒餐，地鐵D2出行五分鐘左右就到了。餐廳環境幾靚，五點幾六點都開始有幾枱食晚飯🥣肋眼牛排 🥩 五成熟 ($190)見到個個都食牛扒，一定試😝。重牛肉味，五成熟岩岩好，唔會太生，而且幾大塊。烤比目魚排🐟 ($170)個皮烤得好脆，啲魚肉好嫩滑，好味🤤佢有兩款醬，唔同醬帶出魚嘅唔同鮮味，大家可以試試。我幾中意佢個香草醬，幾fresh。每個餐都配薯條🍟薯條岩岩炸起好脆口，就算攤凍食都唔會林pat pat 出晒油，第一次食晒跟餐薯條！同埋薯條係任食😝加埋可樂，大滿足😌其實有少少想試佢羊架，但都係揀左魚，少食啲特別啲。兩個人都唔洗四百蚊，鋸扒嚟講其實都算幾快抵食。