石亭居酒屋

營業中

休息中

家姐又帶我食好西，人生第一次食白子，「白子刺身」等於吃魚的精囊😱，但日本人話好補身，香港唔係好多餐廳有得食，跟家姐食野又多咗個第一次喇😅 前菜除左白子刺身，重有螢光魷魚，其實肉子質感豆腐，配埋醬汁酸酸甜甜唔係真係太難接受，始終唔係咁容易食到，第一次試完之後都有驚喜，我覺得可以試吓。我哋去日本餐廳一定會點刺身啦，當日最新鮮就係呢兩款，食落真係好鮮甜，好新鮮，嗰兩隻日本生蠔，睇得出嘅飽滿，食入口直頭幸福感爆標。我哋想食串燒，人哋就飲啤酒，我哋就揀咗飲碗湯，配埋燒雞泡魚乾，幾健康，哈哈雞皮串燒之前喺日本一食愛上，估唔到呢間餐廳亦都做得好好，雞皮燒得好香脆，但中間亦會有少少煙靭嘅感覺，其他串燒得好出色，好有驚喜。特別要講下大白鱔，厚切，超肥美勁好口感，好好味啊！