沙拉姆咖喱屋

營業中

休息中

印度燒烤拼盤上菜的時候用鐵板上，拎到黎嘅時候仲噴緊煙，夠晒熱，鐵板發出吱吱聲，非常新鮮熱辣辣😝平時我幫襯開嘅餐廳比較少菜，呢間會多少少洋蔥及菜，都幾健康印度傳統嘅咖喱角，揀咗素菜無揀羊肉，真正做到外脆內軟，入面有薯仔蓉同青豆，調味醬方面有甜醬，深啡色的，其實就咁食都好夠味嘅，不過點咗黎食咖喱角會感覺好儂食D。Green Salad都好食，D青瓜、番茄同蘿蔔都好新鮮，咁新鮮嘅菜其實係唔係只有餐廳先買得到嘅呢？Butter Chicken現Naan真係好正好好食，本身個Naan熱辣辣已經好正，用黎夾住D Butter Chicken都不知幾和味，Butter Chicken係少有唔辣嘅印度菜，啱晒唔係好食得辣嘅朋友。呢度有呢隻Benediktiner德國麥啤，幾好飲，麥味又香，而且仲要唔苦，好正。