粵品川

營業中

休息中

嗜辣嘅我成日都會捐窿捐罅搵吓邊度有川菜食，朋友帶咗我去佢屋企附近呢間川菜酒樓。 🐼 裝修光猛有四川特色，空間感十足，座位寬躺適合大夥兒用餐。除咗川菜亦有廣東菜或蒸海鮮等供應。🥢白胡椒酸菜烤魚鍋 $198半熟原條上嘅烤魚喺鍋內慢慢煮熟，魚肉很嫩，湯底帶濃郁白胡椒香氣，酸香加胡椒香讓人食慾大開! 有豆腐、薯仔、津白等配菜，湯頭越煮越香濃，配菜入晒味，忍唔住一口接一口！🥢毛血旺 $118毛血旺係一道好粗獷嘅四川菜式，相等於川式大雜燴，呢度用嘅配料比起平時食到嘅更豐富，有牛柏葉、牛肚、豬大腸、牛肉、萵筍、午餐肉等，點左小辣- 麻度辣度都足夠，麻、辣、鮮、香四味俱全，高溫烹調過後一大盤上一路食都可以保持溫度。🥢重慶辣子雞 $90雞件細細粒炸到好香脆，麻辣味濃，咸鮮醇香，略帶甜味，送酒必點！餐廳位於屋村商場內，食物性價比高，由葵芳坐巴士去到餐廳都係大概15分鐘左右，就可以以較親民價錢享用性價比高嘅川菜。