醉翁燒鳥 (已結業)

太子酒吧街附近新開左間居酒屋，性價比都幾高，環境都幾舒服，值得一試。一家四口去食，大約食左$2000，但講緊係食到非常滿足。有以下幾款食物特別喜歡：✨櫻花蝦半熟蛋爆彈外層嘅櫻花蝦好香好脆口，裡面嘅流心蛋好香滑，中間仲包住一層蝦膠，整體口感好豐富。✨立鱗炸甘鯛心機之作👍🏻魚鱗炸至香口脆身，厚厚嘅魚肉好嫩滑，完全唔腥。係要花好多時間同心機嘅菜式。✨鹽釜原隻鮑魚鮑魚非常大隻厚肉，肉質彈牙，帶有昆布香。✨蒜片一口牛肉牛肉粒好juicy，大大粒份量又足，一啲都唔欺場。✨紐西蘭羊架 串燒必食之一焦香味十足，夠多汁，羶味剛好，係高質之選。✨免治雞肉棒 雞肉同雞軟骨比例恰到好處，口感好豐富。配上香滑月見汁，必點之選。✨燒白膳白膳肥美唔腥，魚皮香脆。✨牛肉油楊湯烏冬賣相普通，但味道有驚喜。烏冬彈牙，湯底清甜，昆布同油揚增加口感同香味。