Plato Cafe & Bistro (吳松街)

今日天氣好悶熱，同朋友由尖沙咀頭行到去佐敦尾，已經身水身汗，大家都想坐底飲杯嘢，涼下冷氣先。經過見到Plato Cafe，見門面都幾靚吓，咁我哋就睇下餐牌係乜價位先，發現佢哋精選2人晚餐都好豐富，價錢都OK喎，就決定由飲杯嘢升級到晚餐啦！我哋好快咁揀咗我哋想食嘅嘢。可能侍應知道我哋好熱，好快趣就嚟咗杯冰凍嘅冰果茶，飲落透心涼，果茶不太甜，帶有少少果味，成個人都舒服晒。然後就係南瓜湯同煙三文魚凱撒沙律，煙三文靚靚的捲成花狀，配上新鮮嘅沙律菜，睇到都心心眼😍。主菜我哋揀咗波士頓龍蝦龍蝦汁意大利飯及西班牙黑毛豬鞍架。龍蝦鮮味彈牙，配上充滿濃濃的龍蝦汁意大利飯，味道同口感都不錯。而豬鞍外層帶點焦香，肉質嫩滑，醮上甜甜的醬汁，好好味😋。食到呢刻都已經好飽，差點忘記仲有甜品，好彩揮手埋單時，侍應問係咪上得甜品，我哋先如夢初醒，好隨意的叫了芝士蛋糕及朱古力雪糕，最意想不到的是雪糕不是一球球的，而係一杯movenpick朱古力雪糕，非常喜出望外！