影片
更多
2017-07-06
1858 瀏覽
喺唔同平台都見過有關家賀屋嘅好評，剛好有朋友都想試，週一晚收工一行四人過黎食飯。因為唔係經常喺附近出沒，所以花左少少時間搵餐廳確實位置。平日晚上客人不少，餐廳空間感足。喺座位望番出去放滿飲品、清酒嘅雪櫃都幾有氣派。事前參考過其他人嘅食評、睇過餐牌，否則齋睇環境會以為價位唔平呢，實際定價合理，且質素都不俗。四人座位闊落，即使我地隨身物品較多，都放得落有餘。食物選擇豐富，刺身、壽司、手卷、丼飯、前菜、小食、燒物、揚物、烏冬等，有別於一般日本料理，呢度主打刺身、壽司，熟食類較少。當中餐廳嘅招牌相信係吞拿魚喇，強調產地直送，食材上乘，而且價錢大眾化晚市供應刺身定食 ($165-$288)、壽司定食 ($155-$245)、燒物定食 ($90-$110)、丼飯定食除吞拿魚腩款式，其他都係百五蚊左右，包括湯品、沙律等，豐儉由人。如果擔心光食刺身、壽司會唔夠飽嘅朋友，大可以點個丼飯，見隔離枱點嘅刺身丼賣相不俗。另外有12款壽司以 $12/件優惠價錢供應，三文魚腩、赤貝、空運立魚、特大赤海蝦等其中友人最欣賞嘅就係店家磨好嘅wasabi，辣得黎唔會嗆喉，攻鼻得黎剛剛到位唔會標眼水嗰種。由於我地都好肚餓，
因為唔係經常喺附近出沒，所以花左少少時間搵餐廳確實位置。
平日晚上客人不少，餐廳空間感足。喺座位望番出去放滿飲品、清酒嘅雪櫃都幾有氣派。
事前參考過其他人嘅食評、睇過餐牌，否則齋睇環境會以為價位唔平呢，實際定價合理，且質素都不俗。
四人座位闊落，即使我地隨身物品較多，都放得落有餘。
食物選擇豐富，刺身、壽司、手卷、丼飯、前菜、小食、燒物、揚物、烏冬等，有別於一般日本料理，呢度主打刺身、壽司，熟食類較少。
當中餐廳嘅招牌相信係吞拿魚喇，強調產地直送，食材上乘，而且價錢大眾化
晚市供應刺身定食 ($165-$288)、壽司定食 ($155-$245)、燒物定食 ($90-$110)、丼飯定食除吞拿魚腩款式，其他都係百五蚊左右，包括湯品、沙律等，豐儉由人。如果擔心光食刺身、壽司會唔夠飽嘅朋友，大可以點個丼飯，見隔離枱點嘅刺身丼賣相不俗。
另外有12款壽司以 $12/件優惠價錢供應，三文魚腩、赤貝、空運立魚、特大赤海蝦等
其中友人最欣賞嘅就係店家磨好嘅wasabi，辣得黎唔會嗆喉，攻鼻得黎剛剛到位唔會標眼水嗰種。
23 瀏覽
0 讚好
0 留言
由於我地都好肚餓，所以快速點單，一次過點哂所有食物。餐廳上菜速度好快，我地一邊食一邊影相，非常忙碌。
八爪魚刺身 $48/5件
刺身價錢其實就唔貴，好多連銷壽司店都差唔多價錢，海膽 ($150)、特大帆立貝 ($58/4片)等。
我地只係點左一客八爪魚，食落爽口彈牙，好新鮮
八爪魚刺身
$48
21 瀏覽
0 讚好
0 留言
蟹籽沙律 $32
睇價錢我地大概估唔到份量唔會太多，青瓜都係新鮮切成幼絲，中規中矩。
蟹籽沙律
$32
18 瀏覽
0 讚好
0 留言
特選鮪盛 $220（吞拿魚壽司X2、中吞拿魚腩X2、大吞拿魚腩X2）
眼見9成人都有點呢份鮪盛，加上佢地嘅招牌係吞拿魚，都要點一份試試啦，點鮪盛可以試到幾款，而且價錢比單點平少少。
鮪盛包括：吞拿魚壽司兩件、中吞拿魚腩兩件、大吞拿魚腩兩件
如果單點黎計，每款價錢相差5至15蚊，質素有明顯分別。
吞拿魚油脂唔多，口感實淨，食落唔乾冇筋冇渣；中吞脂肪較赤身多點，食落較嫩滑；大吞拿魚腩油份最多而均勻，新鮮肥美
另外餐廳都有供應吞拿魚餃，即為藍鰭吞拿魚嘅下巴肉位置，相當罕有，定價比大吞多啲，有機會我會試下，相信一定更加油潤。
特選鮪盛
$220
36 瀏覽
1 讚好
0 留言
三文魚腩、特大赤海蝦、赤貝、日本象拔蚌壽司 $12/件
雖然12蚊件又唔係話真係平到傻，但質素唔錯喎，冇話價錢平就將貨就價。日本產米使用，壽司飯加有醋，黏性唔高，但都唔會散收收。
三文魚腩厚身肥美；象拔蚌平滑且爽口；赤貝、特大赤海蝦係我地幾個都讚好，夠大片而且新鮮，性價比高
三文魚腩、特大赤海蝦、赤貝、日本象拔蚌壽司
55 瀏覽
0 讚好
0 留言
三文魚腩、特大赤海蝦、赤貝、日本象拔蚌壽司
34 瀏覽
0 讚好
0 留言
油甘魚、空運立魚、火炙安格斯牛肉、汁燒海鰻壽司 $12/件
油甘魚、立魚壽司鮮味十足，海鰻冇腥味，size正常。
油甘魚、空運立魚、火炙安格斯牛肉、汁燒海鰻壽司
29 瀏覽
0 讚好
0 留言
汁燒海鰻壽司
$12
18 瀏覽
0 讚好
0 留言
芝士飛魚籽、辛柱貝壽司 $12/件
軍艦上枱要盡快食，紫菜十分脆口，飛魚籽、小柱飽滿。壽司質素整體不俗。
芝士飛魚籽、辛柱貝壽司
11 瀏覽
0 讚好
0 留言
牛油果軟殼蟹卷 $68
卷物款式多，蝦卷、三文魚卷、彩虹壽司卷、加州卷、鰻魚卷、鐵火卷等。
軟殼蟹炸得透徹香脆，牛油果平衡油份，唯獨唔明白點解要做咁大舊飯，飯醋味稍稍蓋過軟殼蟹嘅味道，而且咁大件亦唔方便食用。
個人偏好一口放得入嘅卷物，唔排除有客人會覺得大件夾抵食 (笑)
牛油果軟殼蟹卷
$68
52 瀏覽
0 讚好
0 留言
西京比目魚 $78
驚喜之選！燒魚時間掌握剛好，魚皮香脆，魚肉保持嫩滑有汁，調味得宜，連唔係太喜歡食魚嘅我都一口接一口。
西京比目魚
$78
16 瀏覽
1 讚好
0 留言
自家焦糖玉子燒 $35/熱
唔知有冇人好鐘意玉子燒？男朋友正是，幾乎每次食日本料理都要點。
呢份特別在玉子面頭加上一層薄薄嘅焦糖，好似食緊燉蛋咁，香甜可口。
自家焦糖玉子燒
$35
17 瀏覽
0 讚好
0 留言
唐揚魷魚鬚 $38
預期之內份量唔多，作為尾聲剛好，炸得香脆唔油膩。
唐揚魷魚鬚
$38
27 瀏覽
0 讚好
0 留言
日式燉蛋 $20
唯獨燉蛋較為普通，表面有不少氣孔，感覺係熟左少少，幸好食落依然滑溜，而最令人失望係入面嘅鳴門卷粉感超重。
日式燉蛋
$20
9 瀏覽
0 讚好
0 留言
家賀屋整體質素無驚無險全部無伏，一行四人都幾滿意。環境舒適，價錢唔貴，人均二百多，只係熟食款式較少。
雖然位置上唔太方便新界西，但依然納入我地回訪之列，係繼德美後另一間性價比高之選。
餐牌：
張貼
