WM Café & Bar (八號花園)

營業中

休息中

今日同朋友去咗 WM 餐廳食飯，佢位於大埔8号花園，隔離就係大埔中心，響呢區都幾受歡迎。佰幾蚊可以食到龍蝦長通粉，點可以錯過。波士頓龍蝦唔算好大，但肉質爽口，海鮮味十足。茄汁調得幾好，食落有鮮蕃茄嘅味道，整體都幾滿意。另一個安格斯煙肉芝士牛堡都好食，個飽好似剛焗起咁，外脆內軟，切開見到牛肉有肉汁，煙肉同芝士配搭得好好。如果想食得豐富啲，可以加$38升級套餐，有餐湯、小食同飲品。小食定咗吉列炸蠔，唔大隻，味道正常，但呢個價，絕對系抵。總括嚟講，WM 餐廳嘅食物質素唔錯，性價比高。如果你喺大埔附近，值得一試！