影片
更多
2023-09-10
48 瀏覽
趕完project，決定要同同事食一餐充滿儀式感嘅午餐慰勞吓自己！今日嚟到位於天后電氣道嘅「宴．鐡板燒 」，地鐵天后站行三分鐘就到，環境唔錯🏙️今日點咗宴Lunch Special Set，有齊前菜、刺身、壽司、虎蝦、帆立貝、鵝肝多士、美國牛柳、炒飯、湯、炒什菜，都只係$448/人💁🏻♀️ ✨ 醬油八爪魚🐙八爪魚用醬油煮咗一個鐘，用柚子胡椒味調味，佢既胡椒係日本胡椒，比起中式胡椒冇咁辣，多咗陣香味☺️搭配北海道白粟米🌽 白粟米係凍既，比起熱食會多左一種爽口，口感似水果爽脆鮮甜又多汁，入口仲有少少奶香🍼✨ 鮫鰈魚、平政魚刺身🧜🏻左邊係網燒平政魚腩，充滿油香😍右邊係鮫鰈魚，肉質細嫩柔軟，食落十分清甜✨ 深海池魚、赤身吞拿魚🍣深海池魚肉質鮮嫩肥美，脂厚油香，入口魚油甘香細膩🤤赤身口感結實，魚味好濃，加上紫蘇葉同芝麻更提升咗個口感🍣飯、壽司醋、Wasabi嘅比例亦調配相當之好✨漬物自家醃製沙角、木魚、蒜🧄、蘿蔔、涼瓜、苦瓜，其中我最鍾意蘿蔔同涼瓜，配鐵板燒食非常解膩✨沙巴虎蝦🦐虎蝦先食原味再食蝦膏，肉質彈牙飽滿，中蝦味重🦐想食清甜啲，可以點新鮮檸檬汁，最後再食虎蝦蝦頭🦐最精華就係啲蝦膏，相當濃郁濃
今日點咗宴Lunch Special Set，有齊前菜、刺身、壽司、虎蝦、帆立貝、鵝肝多士、美國牛柳、炒飯、湯、炒什菜，都只係$448/人💁🏻♀️
✨ 醬油八爪魚🐙
八爪魚用醬油煮咗一個鐘，用柚子胡椒味調味，佢既胡椒係日本胡椒，比起中式胡椒冇咁辣，多咗陣香味☺️搭配北海道白粟米🌽 白粟米係凍既，比起熱食會多左一種爽口，口感似水果爽脆鮮甜又多汁，入口仲有少少奶香🍼
✨ 鮫鰈魚、平政魚刺身🧜🏻
左邊係網燒平政魚腩，充滿油香😍右邊係鮫鰈魚，肉質細嫩柔軟，食落十分清甜
✨ 深海池魚、赤身吞拿魚🍣
深海池魚肉質鮮嫩肥美，脂厚油香，入口魚油甘香細膩🤤赤身口感結實，魚味好濃，加上紫蘇葉同芝麻更提升咗個口感🍣飯、壽司醋、Wasabi嘅比例亦調配相當之好
✨漬物
自家醃製沙角、木魚、蒜🧄、蘿蔔、涼瓜、苦瓜，其中我最鍾意蘿蔔同涼瓜，配鐵板燒食非常解膩
✨沙巴虎蝦🦐
虎蝦先食原味再食蝦膏，肉質彈牙飽滿，中蝦味重🦐想食清甜啲，可以點新鮮檸檬汁，最後再食虎蝦蝦頭🦐最精華就係啲蝦膏，相當濃郁濃🥹好好味
✨帆立貝配鮮海苔🌿
帆立貝口感非常爽滑、味道好清甜🥹配上鮮海苔同埋自家製三文魚子，自家製醬油令三文魚子嘅鮮甜味更加突出，每粒魚子都好似海嘯咁係口裡面爆發🌊絕對稱得上係畫龍點睛之作
✨香煎鵝肝伴藍莓🪿
鵝肝多士油脂味超香🥳多士吸晒d精華，加上自家製藍莓醬，對比傳統嘅黑醋相對溫和清甜帶微酸，非常順口🫐慢火煮黑豆用黎清味蕾，
呢個組合既令鵝肝帶來既油膩感立刻變得清爽無負擔
✨美國牛柳🐃（厚燒 /薄燒）
先食洋蔥沙律🥗清味蕾，薄燒美國牛柳入口相當軟綿而不油膩，包住青蔥十分清爽， 5成熟啱啱好，厚燒牛柳粒油脂好香，調味恰到好處，配以岩鹽、蒜片🧄、黑椒提升咗口感🥩
✨鐵板炒飯🍳
鐵板蔥花櫻花蝦蛋炒飯，櫻花蝦分量好多🦐落左黑椒調味相當香口而不搶味，珍珠米呈金黃色，炒過飯粒感更強，粒粒分明，煙煙韌韌，口感非常好🍚
✨海帶麵豉湯🪸
海帶、魚乾、豆腐、味噌，經典嘅麵豉湯，香氣濃郁，鹹中帶甘唔會死鹹👅
✨ 炒什菜🥬
以為完結之際，呢個鐵板香菇炒什菜令我十分驚喜！最特別係個特製脆脆醬，有炸蒜、蔥油、芝麻、醬油，醬汁比例恰到好處🤤炸蒜嘅微辛、蔥既青香、芝麻嘅油香同豉油嘅鹹香，令鐵板嘅風味更加突出！
整體嚟講，食物味道相當不錯，師傅亦好有心機遂款食物同我地介紹/傾下偈💬互動性好好👨🏻🍳overall性價比高🌟值得推薦
張貼
