熱點點心專門店

營業中

休息中

今日放假經過太子，突然好想食點心，盲中中入左熱點，點知發現驚喜～坐低既時候甘岩係下午茶時間，有部分點心都好抵食，例如魚翅灌湯餃同蜜汁叉燒腸。灌湯餃真係有成大塊魚翅，甘平價錢食到都幾抵食,而且湯底夠鮮味，灌湯餃成個拳頭咁大!仲點左蟲草花燉雞湯，意外地好好飲，無落味精，清潤唔咸。瑤柱珍珠雞：好大隻，二個人食就岩岩好，而且入面餡料好多，一啲都無吝嗇。薑蔥牛柏葉：好入味，但又唔會過咸，牛柏葉唔會似橡皮筋甘韌口。瑤柱葉苗餃：面頭有一堆瑤柱，好多菜苗係裡面，咬開既時候多到跌出黎！