五匠六釜

營業中

休息中

每次去airside都見到呢間食肆大排長龍，令到我有興趣試吓呢間嘢究竟係咩何方神聖，今日終於有機會。星期日夜晚大概等咗位20分鐘左右，坐得有啲迫，但整體服務同埋衛生程度可以接受。我哋兩個人叫咗四道菜，包括麻辣豬耳、京燒羊肉、椒鹽小黃魚同埋上湯娃娃菜。坦白講我哋兩個人都低估咗啲菜嘅份量，每道菜都好足料同份量好夠。個麻辣豬耳味道一流，又唔算好辣。個京燒羊肉味道幾特別，又無乜臊味，不過兩個人食會有啲吃力。至於個上湯娃娃菜就非常鮮甜，值得讚賞。而最後個椒鹽小黃魚就平平無奇，中規中矩。兩個人最後食咗$430 ，呢間餐廳值得推薦。