影片
更多
2023-06-20
311 瀏覽
去完花墟買花見差唔多時候食飯，拎住好多嘢無力再行咁遠，經過西洋菜街見到有間純白色嘅日本餐廳感覺好清新，於是同朋友決定行入去試吓。一入去到去見到貼咗好多寫住日文嘅相，已經好有回鄉feel。打開menu見到啲相幾吸引有好多款都想試，又餓又渴又熱立即叫幾樣快上菜嘅嚟醫住肚先！啤酒好快就嚟到，佢咃嘅啤酒唔係一般嘅Asahi，係原裝正版嘅日本Asahi，一飲即刻就feel到隻味係好唔同！傾咗無耐秘製唐揚雞同自家製泡菜已經送到。佢個唐揚雞不愧為招牌菜，個外皮炸得超香脆，一咬落去仲要爆汁，再配一啖啤酒真係爽到爆！朋友話配泡菜都好正，啲泡菜唔太辣之餘味道仲好清新，食完炸嘢cool down返少少個人啱啱好！跟住就到刺身上場喇，雖然我哋係散叫，但師傅都好用心擺得靚靚俾我哋打卡。三文魚腩夠肥美又新鮮，赤蝦堅大隻，肉質又爽脆清甜。食完我個friend即刻話要追加！刺身未食晒啲串燒已經嚟到，個免治雞肉串一上枱已經聞到好香，忍唔住立即放入口，啲肉汁即刻佈滿成個口，第二啖點埋個鮮蛋黃又係另一種味道，蛋黃中和咗個醬汁得嚟又帶嚟新嘅濃郁同香氣，各有各好食。朋友係芫茜怪一見到有芫茜豬肉卷二話不說就叫咗。我本身就麻麻哋，
一入去到去見到貼咗好多寫住日文嘅相，已經好有回鄉feel。打開menu見到啲相幾吸引有好多款都想試，又餓又渴又熱立即叫幾樣快上菜嘅嚟醫住肚先！
啤酒好快就嚟到，佢咃嘅啤酒唔係一般嘅Asahi，
係原裝正版嘅日本Asahi，
一飲即刻就feel到隻味係好唔同！
傾咗無耐秘製唐揚雞同自家製泡菜已經送到。
泡菜
3 瀏覽
0 讚好
0 留言
秘製唐揚雞
4 瀏覽
0 讚好
0 留言
佢個唐揚雞不愧為招牌菜，個外皮炸得超香脆，
一咬落去仲要爆汁，再配一啖啤酒真係爽到爆！
朋友話配泡菜都好正，啲泡菜唔太辣之餘味道仲好清新，食完炸嘢cool down返少少個人啱啱好！
跟住就到刺身上場喇，雖然我哋係散叫，但師傅都好用心擺得靚靚俾我哋打卡。三文魚腩夠肥美又新鮮，赤蝦堅大隻，肉質又爽脆清甜。食完我個friend即刻話要追加！
免治雞肉串
3 瀏覽
0 讚好
0 留言
刺身未食晒啲串燒已經嚟到，個免治雞肉串一上枱已經聞到好香，忍唔住立即放入口，啲肉汁即刻佈滿成個口，第二啖點埋個鮮蛋黃又係另一種味道，
蛋黃中和咗個醬汁得嚟又帶嚟新嘅濃郁同香氣，各有各好食。
朋友係芫茜怪一見到有芫茜豬肉卷二話不說就叫咗。
我本身就麻麻哋，但見佢食完一舊係咁話好食好食忍唔住就試咗一舊，估唔到佢今次真係無點我，唔單止無芫茜味不特止，仲為豬肉帶嚟更豐富嘅肉汁，食完完全唔覺得漏，再配啤酒一流！！
鹽釜原隻鮑魚
2 瀏覽
0 讚好
0 留言
見到隔離枱有個好特別嘅菜，店員話係佢哋另一招牌菜鹽釜原隻鮑魚。
全部都係即叫即整，夠晒新鮮。
臨上菜店員仲會點火加添香味，呢個梗係又要打吓卡啦！
最後我哋仲叫咗明太子玉子燒、明太子白汁烏冬同醉翁炒飯，飽到上心口埋單每人都係300蚊左右，性價比超高！朋友話下次會早啲嚟食完晏先再去買嘢。
張貼
