影片
更多
2021-09-20
492 瀏覽
未見官先打三十大板，呢句說話套用喺今次用餐體驗都幾恰當，因為我地原先以為黃大仙竹園嘅明星海鮮燒鵝專門店係喺地鐵站附近，點知一search google map先知原來竹園廣場位置喺山上，由黃大仙站行上去起碼要15分鐘，好彩我預早左時間，同埋當晚唔算好炎熱，我就一步一生咁慢慢澗上去，後尾同朋友講起，佢地話啲人通常係搭lift上去又或者喺地鐵站出口搭小巴上去，大熱天時好少會咁樣走上去嘅.......言歸正傳，雖然筆者未見食物先耗費體力，但係之後嘅用餐體驗實在令我心情由谷底彈返上嚟，因為三個字：平、靚、正！！！好耐無試過啲酒樓係咁好食而又抵食的了，我地最後除返開，每人平均食左$100唔到，但食物質素之高、種類之繁多、服務之殷切，真係令我一試就愛上~我地一行六人，嗌左兩隻片皮鴨、(其中一隻片皮鴨二食：涼瓜炒鴨件)、芝士焗龍蝦伊麵、什菜粉絲煲同埋一份贈送嘅乳鴒，每一道菜式都非常好味，係好正宗嘅粵式煮法，其中片皮鴨真心最值得推介，熱騰騰嘅麼麼包住肉質厚嫩嘅鴨片，再配埋青瓜條同秘製醬料，入口即溶，簡直係人間美味！份量方面亦非常多，尤甚係涼瓜炒鴨件，鴨件多到好似唔使錢咁，所以到最後我地幾個都食唔哂，要
言歸正傳，雖然筆者未見食物先耗費體力，但係之後嘅用餐體驗實在令我心情由谷底彈返上嚟，因為三個字：平、靚、正！！！好耐無試過啲酒樓係咁好食而又抵食的了，我地最後除返開，每人平均食左$100唔到，但食物質素之高、種類之繁多、服務之殷切，真係令我一試就愛上~
我地一行六人，嗌左兩隻片皮鴨、(其中一隻片皮鴨二食：涼瓜炒鴨件)、芝士焗龍蝦伊麵、什菜粉絲煲同埋一份贈送嘅乳鴒，每一道菜式都非常好味，係好正宗嘅粵式煮法，其中片皮鴨真心最值得推介，熱騰騰嘅麼麼包住肉質厚嫩嘅鴨片，再配埋青瓜條同秘製醬料，入口即溶，簡直係人間美味！份量方面亦非常多，尤甚係涼瓜炒鴨件，鴨件多到好似唔使錢咁，所以到最後我地幾個都食唔哂，要打包拎返屋企食~
店內環境方面，我地獲安排坐喺一個幾開揚嘅六人枱，可以望到大電視，同其他枱嘅距離亦都算遠，所以整體嚟講都坐得幾舒服！
到最後埋單，每人都只係需要俾$98，真係好抵食呀！所以總括嚟講，除卻交通不便呢一點之外，其他方面嘅質素真係高，真心值得推介！！
張貼
